ھەلگرێ نەژادناما عیراقی بیت
خو جھێ ئيداره‌يا سه‌ربه‌خويا زاخو بیت
ئەو بەلگەنامێن پێتڤی دگەل ھاوولاتی بن
دڤێت داخازكەرێ پاسپورتێ ئامادەبیت, نابیت ئێك پێش ویڤە كارێ وی ئەنجام بدەت.
نابیت ھیچ كەسەك ولبن ھەر بیانویەك دیف چوونا مامەلێن ھاوولاتیان بكەت, دڤێت داخازكەرێ پاسپورتێ ئەو بخو وبتنێ كارێ خو ئەنجام بدەت.
پێتڤی بوون بسەمیانی
ئەگەر تەمەنێ داخازكەرێ پاسپورتێ ژ (18) سالیێ كێمتر بیت دڤێت سەمیانێ وی (باب) ئامادەبیت ژبو وەرگرتنا پەنجە موورا وی ودگەل ئامادەكرنا ناسنامێن وی (كارتا نيشتيمانى و كارتا زانياريا).
دحالەتێ ژێكڤەبوونا دایك وبابان دا, بو دەرئێخستنا پاسپورتێ بو زاروكێ وان, پێتڤییە بابێ زاروكی ئامادەبیت ئەگەر نە پێتڤییە دایك (حجة وصاية مؤقتة) ل دادگەھێ بناڤێ خو دروست بكەت.
ئەگەر باب چوبیتە بەر دلوڤانیا خودێ, دادگەھ بریارێ ددەت بو دیار كرنا سەمیانی وب بەلگێن دادگەھێ (حجة وصاية) پاسپورت بو زاروكێن ژ (18) سالیێ كێمتر دێ ھێتە دروستكرن.
ئەگەر باب ژدەرڤەی ھەرێما كوردستانێ بیت, پێتڤییە بریكار نامەكا تایبەت ل سەفارەتێ یان قونسلخانا عیراقێ بناڤێ ھەڤژینا خو یان كەسەكێ مالا خو فرێ بكەت وبھێتە پەسەند (تصديق) كرن ل وەزارەتا دەرڤە یا عیراقێ بو دروست كرنا پاسپورتان بو زاروكێن خو یێن ژ (18) سالیێ كێمتر.